Medo
Outubro 17, 2009
Estou con medo.
Desde que dixen que ia mercar os billetes de avión para ila visitar até que o fixen pasaron así como 2 días. Cada pouco tempo miraba prezos e combinacións de voos. Ás veces desesperábame e o mandaba todo á merda. Outras pensaba que nin sei onde hei durmir. Ou si me virá recoller ao aeroporto. Ou se me fará falar o meu cutre alemán diante dela…
Acabo de mercar os billetes, disque via Frankfurt é máis barato pero está no quinto carallo de non teño tanto tempo como para ir por aí 6 horas de aventura ata chegar ou non a onde quero. Mirei mil opcións diferentes e como sempre irei por Madrid. Unha vez fun desde Porto pero tampouco me resolveu muito máis e tiven que chegar alá…
O grave non é pagalo, que é caro de carallo. O grave é a sensación que queda cando non sabes que vai pasar alá. Se se vai resolver ou non. Se vou durmir na súa cidade e sen ela. Se a vou cagar con calquera parvada… Vivir mancha e desta eu vou sen mandil. 4 días e non sei nada do que vou facer nese tempo.
Estou con medo.
Emigro á cidade onde a miña exnamorada non me agarda 
Outubro 21, 2009 ás 5:58 pm
Abofé que estas con medo! Pero que sentido teria a tua aventura sen el?
O mais dificil é dar o paso, lembrao. E o que teña que ser, que sexa, pero ti teras demostrado que es un valente.
Novembro 1, 2009 ás 3:37 pm
Non é valentía, é que é o camiño que quero coller para a miña vida. Graciñas por vir e comentar :)
Xuño 23, 2010 ás 12:50 am
podo imaxinar a ansiedade, case teño que facer esforzos para non meterme tanto na cousa, que é hora de durmir e despois non me ven o sono!